loading...

Valideynlər gənc əsgərləri zorlayan erməninin özünü zorladılar

24-08-2017 Baxış sayı :1 041
Valideynlər gənc əsgərləri zorlayan erməninin özünü zorladılar
 

Ermənistanın hərbi qulluqçusu Andranik Mkrtçyanın ölümünün təfərrüatları məlum olub.

Avqustun 20-də Ermənistan Müdafiə Nazirliyi hərbi hissənin ərazisində 1991-ci il təvəllüdlü Andranik Mkrtçyan öldürüldüyü barədə məlumat yaymışdı. Böyük əks-səda verən ölüm hadisəsinin sonradan, əslində, intihar olduğu bəyan edilib.

Ermənistan sosial şəbəkə istifadəçilərinin iddialarına görə hadisə cinsi istismar- homoseksualizm zəminində törədildiyindən belə ajiotaja səbəb olub. Aparılan araşdırmalar zamanı hadisənin bir çox təfərrüatları ortaya çıxıb.

 

Oğurluq etdiyinə görə Yerevan yaxınlığındakı hərbi hissədən Mehri şəhərində yerləşən hərbi hissəyə dəyişdirilən Andranik Mkrtçyanın  intihar etməsi ilə bağlı özünüöldürmə həddinə çatdırılma maddəsi ilə cinayət işi açılıb.

Ermənistan Respublikası İstintaq Komitəsinin Hərbi İstintaq Bas İdarəsinin Xüsusi Əhəmiyyətli İşlər üzrə İstintaq İdarəsinin bas müstəntiqi Q. Xaçatryan tərəfindən verilən açıqlamada deyilir: "Müdafiə nazirliyinin hərbi qulluqçusu, 1991-ci il təvəllüdlü Andranik Mkrtçyanın ölümü ilə bağlı "özünü öldürmə həddinə çatdırılma” maddəsi ilə cinayət işi açılıb. Araşdırma zamanı məlum olub ki, Kanakerdə xidmət edən və "Ando” kimi tanınan Andranik Mkrtçyan və digər hərbi qulluqçular mütəmadi olaraq hərbi hissəyə xidmətə gələn digər gənc əsgərləri cinsi istismara məruz qoyduğu, eləcə də oğurluq etdiyi üçün hərbi hissə komandanlığının təşəbbüsü ilə xidmətini davam etdirmək məqsədilə Mehri şəhərində göndərilib. Cinsi təzyiqlərə məruz qalan gənc əsgərlərin valideyinləri "Ando”dan qisas almaq qərarına gəliblər. A.Mkrtçyanı izləyən valideynlər onu tutaraq zorlayıblarlar və buna dözməyən M.Andranik özünə qəsd etmək qərarına gəlib”.

İstintaqa o da məlum olub ki, gənc əsgərlərə qarşı bu kimi əməlləri "Ando” işğal olunmuş Kəlbəcər rayonundakı postlarda olarkən də törədib. Postlarda xidmət keçən bir çox gənc əsgərin Andranik tərəfindən cinsi təzyiqlərə məruz qaldığı bilidirilir. Ermənistanlı hərbi qulluqçuların çoxunun cinsi istismara məruz qaldığını inkar etməsinə baxmayaraq, valideynlərin dəstəyi ilə bir neçə əsgər adlarının gizli saxlanılması şərtilə istintaqla əməkdaşlığa razılıq veriblər. İlkin versiya olaraq nizamnamədən kənar münasibətlər nəticəsində öldürüldüyü bildirilsə də, sonradan A.Mkrtçyanın istifadəsində olan avtomatı çənəsinə söykəyərək intihar etdiyi açıqlanıb.
Hadisə ilə bağlı cinayət işi başlayıb araşdırma davam etdirilir.
Milli.Az