Xəbər Lenti

______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
İsmayıllının icra başçısı necə işləyir? – Razı və narazılar...
İcra başçısının Bərdədə
İmişli DSMF-nin Müdiri İntiqam Əliyev: VERİLƏN PUL RÜŞVƏT DEYİL, SADƏCƏ ŞİRİNLİKDİR
Gədəbəyin icra başçısı xəstəxanadakı yorğan-döşəyi çadırlara daşıtdırır
Ermənilərin Bakını işğal plan – hətta şəhərin adını Vasprakan qoymuşdular
Ermənilərin Bakını işğal plan – hətta şəhərin adını Vasprakan qoymuşdular
“Erməni məsələsi ilk dəfə 1878-ci ildə keçirilən Berlin konfransında gündəmə gəldi. Bundan əvvəl Osmanlı imperiyasını parçalamaq üçün Şərq məsələsi də gündəmə gətirilmişdi. Erməni məsələsi isə Şərq məsələsinin içərisindən çıxmışdı. Çünki kiçik millətləri hərəkətə gətirib onlardan istifadə etmək istəyirdilər”. Azərbaycan Respublikası Prezidentinin İşlər İdarəsinin Prezident Kitabxanasının şöbə müdiri, AMEA Tarix İnstitutunun Qarabağ şöbəsinin baş elmi işçisi Nazim Mustafa bu sözləri iyunun 13-də Dövlət İdarəçilik Akademiyasında jurnalistlər üçün keçirilən elmi maarifləndirmə və təbligat kurslarındakı məruzə edərkən bildirdi. Qeyd edək ki, “Qarabağ Araşdırmalar Mərkəzi” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası layihəsi çərçivəsində Azərbaycanın KİV-nin nümayəndələri üçün “Ermənistanın Azərbaycana qarşı ərazi iddiaları və təcavüzkarlıq siyasətinin mərhələləri” haqqında qısamüddətlı kurslara başlayıb. Tədbirdə çıxış edən Nazim Mustafa qeyd etdi ki, Berlin Konfransında 6 vilayətdə ermənilərə muxtariyyət verilməsi məsələsi qoyulmuşdu: “Berlin konfransında ermənilərə muxtariyyət verilməsi Osmanlı imperiyasının üzərinə qoyuldu. Hətta erməni gənclərinə təhsil vermək üçün Avropaya apardılar. Daha sonra ermənilərin kütləvi silahlandırılması prosesi başladı”. Dediyinə görə, hətta Berlin konfransının gedişində bir erməni əlində İncil, ağlayaraq iştirakçılara yaxınlaşır ki, bölgədə ermənilər yaşayır, amma onların dövləti yoxdur. Tədbirin təşkilatçılarından isə “ağamaqla dövlət əldə olunmaz, dövlət istəyirsinizsə, gedin, silahlanın” məsləhətini alır. 1885-ci ildən başlayaraq erməni siyasi partiyaları yaradılır: “Bu partiyaların nizamnaməsində silahlanma məsələsi öndə gəlirdi. Avropa və Rusiya tərəfindən silahlandırma prosesi başladı. Bu gün də o proses davam edir, biz də itirə-itirə gedirik.1898-1908-ci illərdə 400 min erməni Qafqaza köçürüldü. Ermənilər İrəvan quberniyasına üz tutmuşdular. Ev, şərait olmadığı üçün Azərbaycan kəndlərini qırıb-çataraq onların yaşayış məntəqlərində məskunlaşmağa başladılar”. Nazim Mustafa bir sıra tarixi həqiqətləri konkret faktlarla diqqətə çatdırdı. Bildirdi ki, o zaman Qalitsin “Novoye vremya”da yazırdı ki, Cənubi Qafqazdakı qırğınları Türkiyədən gələn ermənilər törədir: “Hətta demişdi ki, ermənilərin kökünü kəsəcəyəm. Erməni kilsəsi terrorun həm silah, həm maliyyə mənbəyi rolunu oynayırdı. Lakin ermənilər onu dilənçi paltarında xəncərlə ağır yaraladılar. Bundan o işləyə bilmədi və Qafqaza arvadı erməni olan İllarion Voronsov-Daşkovu canişin göndərdilər. O vaxt yazılırdı ki, Qafqazda qərarlar Voronsovun yataq otağında qəbul olunur. Azərbaycanlılar isə o zaman qəflət yuxusundaydılar ki, burdakı ermənilər və xaricdən gələn ermənilər əl-ələ verib buranı mənimsəmək istəyirdilər. İlk olaraq Sabunçu kənd sakini ermənilər tərəfindən öldürüldü və qırğın burdan başlandı. Çünki Bakıda neft bumu yaşanırdı və ermənilər neft mədənlərini ələ keçirmək istəyirdilər. Bu, elə Cənubi Qafqazı ələ keçirmək demək idi. Ermənilər onların əl-qolunu bağlamağa çalışan Nakaşidzeni də “Qubernator” bağında qətlə yetirdilər. Bakıda qırğın üç gün çəkdi, daha sonra İrəvanda başladı. Bakı, Gəncə və digər ərazilərimizi də öz aralarında bölüşdürmüşdülər. Hətta Bakının adını “Vasprakan” qoymuşdular”. Araşdırmaçı alim dedi ki, bundan sonra ermənilər Naxçıvana hücum etdilər: “Məqsəd Qarabağa qədər bütün əraziləri boşaltmaq, ələ keçirmək idi, amma Naxçıvanda ermənilər məqsədinə çata bilmədilər. Növbəti dəfə Zəngəzurda hərəkətə keçdilər. Ən uzun sürən qırğınlar Zəngəzurda baş verib. 1905-ci ildə başlayan qırğınlar 1906-cı ilin payızına qədər davam etdi. Səssiz soyqırımı gedirdi, Azərbaycan dövləti yox idi ki, səsinə səs versin. Bakıdakı erməni kilsəsində üç dəfə qırğın törətdilər. Hər dəfə kilsə zəngi çalınanda ermənilər evlərindəki silahları çıxarıb pəncərələrdən ətrafa güllə yağdırırdılar. Azərbaycanlı bilmirdi ki, qonşusu onu qətlə yetirmək üçün fürsət axtarır. Ermənilər müasir silahları Tuladan gətirirdilər. Hətta “Daşnaksütyun” və “Hınçak”ın silahlı qüvvələri Azərbaycan kəndlərinin talan olunmasına görə toqquşmuşdular”. N.Mustafa dedi ki, ermənilər Şuşada üç dəfə qırğınlar törətdilər: “Növbəti qırğınlar Yelizavetopol qəzasında davam etdi. Gəncədə Dəli Alının dəstəsi gəldi, azərbaycanlıları qıran ermənilərə qan uddurdu. Həmçinin Tiflisdəki azərbaycanlı məhəlləsindəki türkləri məhv etmək üçün qırğınlar törətdilər. Borçalıdan dəstələr gəldi, qırğınları dayandırdı”. Daha sonra məruzəçi dəhşətli statistikanı açıqladı: “Ermənilər tərəfindən törədilən, 1905-ci ilin fevralından başlayan qırğınlar 1906-cı ilin sonlarına qədər davam etdi. 1,5 milyon əhalinin yaşadığı bölgəni əhatə edirdi. 1,3 milyon əhali yerindən-yurdundan oldu. İrəvan quberniyasında 1300-dən artıq kənddən 900-dən çoxu azərbaycanlı kəndləri idi. Təksə İrəvan və Zəngəzurda 200-dən artıq kəndləri viran qoydular. Əhalinin bir qismi Qarabağa, Naxçıvana üz tutdu”. Məruzəçi alim dedi ki, ermənilər bu qırğınların qarşısını almaqda mühüm rolu olan Maqsud Əlixanov Avarskiyə bir dəfə Tiflisdə terror etdilər: “O, yaralandı, amma həyatda qaldı. Növbəti dəfə isə Gümrüdən keçəndə onu qətlə yetirdilər. Ado adlı erməni tədqiqatçı ermənilərin törətdiyi qırğınlar haqqında “bunlar barbarlıqdır, insanlığa yaraşmayan hərəkatdır” deyir. Onun kitabı 1907-ci ildə nəşr olunub, həmin ildə “Daşnaksütun” partiyasından istefa verib. Arakel Babayan isə yazırdı ki, Şuşada erməni anklavının yaradılması işi gedirdi. 1906-cı ildən sonra Əhməd bəy Ağayevin başçılığı ilə “Difai” partiyası yaradıldı. Həmçinin Bakı Müsəlman Xeyriyyə Cəmiyyətinin üzvləri bu partiyanı maliyyələşdirirdilər. Partiya Çar Rusiyasına qarşı bəyanat yaydı ki, əgər siz qırğınları dayandırmasanız, biz də sizə qarşı eyni üsulla terrora əl atacağıq. Bundan sonra “Difai” üzvü gedib Tiflisdə oturdu, bir ay izlədi və Qalaşakovu orda öldürdü. Bundan sonra erməni siyasi təşkilatları əl-ayağa düşməyə başladılar və silahı yerə qoyduqlarını bəyan etdilər. O zaman kompensasiya üçün araşdırma komissiyası yaradıldı. Bu zaman 25 kənddən bir nəfər də olsun sakin tapılmadı ki, ondan başına nə gəldiyi sorğu-sual edilsin. Erməni əhaliyə isə daha çox kompensasiya verildi”. Məruzəsinin sonunda N.Mustafa düşmənə qarşı səfərbər olunmağa səslədi: “Son100 ildə bizim günümüz eynidir, itirə-itirə gəlirik. Nə vaxta qədər biz itirəcəyik? Türkiyəyə qarşı da vaxtilə ermənilərdən istifadə olunurdu, bu gün kürdlərdən istifadə olunur. Vaxtilə ermənilər açıq şəkildə istəklərini etiraf edirdilər. Məqsəd o idi ki, Xankəndidən bir erməni silahı çiyninə salıb Şuşadan keçməklə İrəvana gedəndə bir dənə də türk kəndi ilə rastlaşmasın. 100 il keçib, amma erməni taktikası dəyişməyib, Kür və Araz çayları arasındakı münbit torpaqları götürüb Gəncədə birləşmək. Bu gün də o taktika davam edir. Bizim borcumuzdur ki, millətimizi xəbərdar edək. Ermənistan dağılsa da, acından məhv olsalar da, beyinlərindəki o zəhər nəsildən-nəslə ötürülür”. Yeri gəlmişkən, erməni dilini mükəmməl bilən Nazim Mustafa İrəvan tarixi barədə yazdığı kitaba görə dövlət mükafatı alıb.
Növbə Nazirlər Kabinetində: Hansı nazirlər vəzifəsini itirəcək?
Növbə Nazirlər Kabinetində: Hansı nazirlər vəzifəsini itirəcək?
Sərdar Cəlaloğlu: “Nazirlər Kabineti ləğv olunmalı baş nazir və müavinləri istefaya göndərilməlidir” Vüsal Qarayev: “Xalqın etimadını qazanmaq üçün köklü, radikal dəyişikliklər olması zəruridir” Əli Əliyev: “Bu, güc toplamış məmurların zəiflədilməsinə hesablanmış addımlardır” Əli Orucov: “Sadəcə vəzifələrin adları dəyişilib” Ölkə başçısının sərəncamı ilə Prezident Administrasiyasında ciddi struktur dəyişiklikləri aparıldı. Bir neçə yüksək rütbəli məmur vəzifəsini itirdi. Hesab edilir ki, struktur islahatlarının növbəti hədəfi Nazirlər Kabinetidir. Azərbaycan Demokrat Partiyasının (ADP) sədri Sərdar Cəlaloğlu “Cümhuriyət” qəzetinə açıqlamasında referendumdan sonra Nazirlər Kabinetinin buraxılmasının zəruri olduğunu dedi: “Dövlət idarəetməsi konstitusiyaya uyğunlaşdırılmalıdır. Bu da ilk növbədə vitse-prezidentlik institutuna paralellik təşkil edən qurumların ləğvini, idarəetmənin təmərküzləşməsini tələb edir. Bu da Nazirlər Kabinetinin buraxılması, baş nazir, baş nazirin müavinləri postlarının ləğv edilməsini və digər addımların atılmasını zəruri edir. Azərbaycan faktiki olaraq prezidentlik idarə üsuluna keçirsə, bütün dünyada olduğu kimi, Nazirlər Kabineti ola bilməz. Olmalıdı prezident və vitse-prezidentlər. Vitse prezidenlər baş nazirin və müavinlərinin səlahiyyətlərini yerinə yetirəcəklər. Buna görə də Nazirlər Kabineti ləğv olunmalı və baş nazir və müavinləri istefaya göndərilməlidir. Bununla da idarəetmə konstitutsiyaya uyğunlaşdırılmalıdır”. Azərbaycan Xalq Cəbhəsi Partiyası (AXCP) mətbuat xidmətinin rəhbəri Vüsal Qarayev də həmçinin Nazirlər Kabinetində ciddi dəyişikliklərin olacağını istisna etmədi: “Dəfələrlə demişəm ki, hökumət daxilində güc mərkəzləri arasında ciddi çəkişmə gedir. Bu dəyişikliklər də həmin çəkişmənin nəticəsidir. Görünən odur ki, güclərdən biri digərinə üstün gəlir. Önəmlisi budur ki, dəyişikliklər vətəndaşın rifahına, həyatına müsbət təsir etsin, buna ümid edirik. Nazirlər Kabinetinə gəldikdə, bəli, düşünürəm mütləq qaydada islahatlar dalğası Nazirlər Kabinetinə də çatacaq və çatmalıdır. Biz hər zaman deyirik, ölkədəki sosial-iqtisadi xaosu aradan qaldırmanın tək yolu ciddi kadr islahatlarından, dəyişiklilərdən keçir. İllərdir eyni postu zəbt edib, lakin vətəndaş, ölkə maraqlarını öz şəxsi mənafeyindən aşağı tutan, köhnəlmiş kadrlar arxivə göndərilməlidir. Nəhayət hökumət də xalqın ciddi narazılığını, narahatlığını, partlamağa hazır olduğunu nəzərə alıb köklü islahatlara başlamağa qərar verib. Xalqın etimadını qazanmaq üçün mütləq ki, Nazirlər Kabinetində də köklü, radikal dəyişikliklər olacaq. Lakin bu hakimiyyət o qədər vətəndaşın inamını, etibarını itirib ki, istənilən dəyişiklikdə xalq hökumətin yenə də öz maraqlarını hesaba aldığını düşünür. Gözləyək, ümidvarıq ki, hər şey ölkə üçün, vətəndaş üçün xeyirli olacaq”. Vətəndaş və İnkişaf Partiyası (VİP) sədri Əli Əliyev isə baş verənlərin ciddi dəyişiklik, islahat kimi dəyərləndirilməsinin doğru olmadığını hesab edir: “Əslində aparılan dəyişikliklər islahat xarakteri daşımır. Bu daha çox siyasi hakimiyyətin saxlanılması üçün aparılan dəyişikliklərdir. Başqa cür ifadə etsək, bu güc toplamış məmurların zəiflədilməsinə hesablanmış addımlardır. Burada da əsas məqsəd növbəti dönəmdə hakimiyyəti yeni namizədə ötürməkdir. Mən dəfələrlə demişəm ki, növbəti prezident seçkilərində Yeni Azərbaycan Partiyasının başqa namizədini görəcəyik. Həmin namizədin sakitliklə, dinc qaydada posta gətirilməsi üçün bu proses aparılır. Ola bilər ki, Nazirlər Kabinetinə də bu şəkildə əl gəzdirilsin. Amma hələlik bunu islahat, struktur dəyişikliyi kimi qiymətləndirmək yanlışdır. Bu gün hökumət islahatlar haqqında düşünmür. Dəyişən dünyada Yeni Azərbaycan Partiyasının da məqsədi mümkün olanı qoruyub saxlamaqdır. Həmin dəyişikliklər də dediyim məqsədin tərkib hissəsidir”. Azərbaycan Milli İstiqlal Partiyası (AMİP) Siyasi Şurasının üzvü Əli Orucov da ciddi dəyişiklərin olacağını gözləmədiyini vurğuladı: “Bu islahat deyil, sadəcə olaraq təyinatdır. Sadəcə vəzifələrin adları dəyişilib. Bu dəfə də yeni simalar görmədik. Postdan kənarda qalan sadəcə 3 nəfər oldu. Bunun da gələcək inkişafa, perspektivə heç bir aidiyyatı olmayacaq. Nazirlər Kabinetində də eyni dəyişikliklərin şahidi olacağıq. Burada da şəxslər deyil, sadəcə, vəzifələr dəyişəcək. Cəmiyyətin, ölkənin inkişafı üçün isə ciddi struktur islahatlarına ehtiyac var. Ancaq yəqin ki, yenə də bunu görməyəcəyik”. Ulus.Az
Bu Bölmənin Digər Xəbərləri
YAZARLAR

QIZLARINI ZORLAYAN ATANIN TÜKÜRPƏDICI HƏYAT DRAMI
Cəfərovlar ailəsi 6 nəfərdən ibarət olub. Ata 1971-ci il təvəllüdlü Fazil Cəfərov, ana 1974-cü il təvəllüdlü Şəfiqə, qızları 1992-ci il təvəllüdlü Günay, 1993-cü il təvəllüdlü Sədaqət, oğlanları 1995-ci il təvəllüdlü Elvin və 1997-ci il təvəllüdlü Elşən. 1991-ci ildə Fazil ilə Şəfiqə ailə qurduqdan sonra onların aralarında bir sıra problemlər yaranır. Fazil evə tez-tez içkili gəlir. Evdə dava salaraq ailə üzvlərini döyür. Evdə hamı ondan qorxur. Qızlar atalarından daha çox qorxurlar. Ona görə ki, ataları onları demək olar ki, hər gün döyür, işgəncə verirdi. Fazil dəfələrlə Rusiyaya işləməyə getməsinə baxmayaraq, evə qazanc gətirə bilmir. O, rayonda müəyyən tikililərdə rəngsazlıq edir. Qazandığı pulları da içkiyə verir. Hər gün evə içkili vəziyyətdə gələn Fazil evdəkiləri döyərək, işgəncə verir. Belə günlərin birində – 2003-cü ilin dekabr ayında Fazil yenə içkili vəziyyətdə evə gəlir. Evdə təkcə 11 yaşlı qızı Günay olur. Günay evin birinci mərtəbəsində təmizlik işləri ilə məşğul olurmuş. Fazil qızını yuxarı çağırır. Günay işin yarımçıq qoyub, atasının yanına qalxır. Atası ondan əynindəki paltarları çıxarmasını istəyir. Günay heç nə baş düşmür. Atası onun yanına gələrək əynindəki paltarları cıraraq əynindən çıxarır. Bu zaman Günay ağlamağa başlayır. O, atasının nə üçün belə etdiyini anlamır. Tez-tez atası tərəfindən döyülən Günay atasının yenə onu döyəcəyini düşünür. Lakin atası Günayı çarpayıya uzadaraq onu zorlayır və qızlıq bəkarətini pozur. Günay hələ uşaq olduğundan bu barədə hər şeyi anlamır. Fazil onu bu barədə heç kimə heç nə söyləməmək barədə tənbeh edir. Əks təqdirdə, ona daha böyük işgəncələr verəcəyini söyləyir. Günay da belə edir. O, qorxusundan bu barədə heç kəsə heç nə demir. Bu hadisəsən sonra Fazil 15 günə yaxın müddətdə Günaya toxunmur. Lakin 15 gün keçəndən sonra yenə Günayı otağına çağırıb, bu gecə onunla yatacağını bildirir. Günay ağlamağa başlayır. O, atasına “yenə həminki kimi edəcəksən?” sualını verir. Fazil isə “qorxma daha ağrıtmayacaq” – deyə, ondan ağlamamağı tələb edir. Yenə axşam olur. Fazil axşam hamının yatdığını görüb, Günayı otağına çağırır. Yenə həmin hal təkrarlanır… Oğlunun nəvəsini zorladığını görən babanın ürəyi dayanır Bu əxlaqsızlıq düz 2009-cu ilin sentyabrına qədər davam edir. Evdəkilər bundan şübhələnir. Onlar tez-tez Günayın ağladığını görürlər. Bunun səbəbini soruşduqda isə Günay qorxusundan heç nə demir. 6 il müddətində atası demək olar ki, 2-3 gündən bir Günayla təbii və qeyri-təbii yolla cinsi əlaqədə olur. Günlərin yenə birində Fazilin atası Qurban və Anası Fəzilət gecəni Fazilgildə keçirməli olurlar. Səhər tezdən Fazil yuxudan oyanıb Günayın yatdığı otağa gedir. İçəri girəndə Günay yuxudan ayılır. Fazil onun üstünə gəlir. Bu zaman Günay qışqırmağa başlayır. Fazil tez otağın qapısını bağlayır. Əli ilə Günayın ağzını tutub yenə onunla cinsi əlaqədə olur. Günayın otağı babasıgilin yatdığı otağa yaxın idi. Ona görə də, babası Qurban onun qışqırığını eşidir. Bundan narahat olan Qurban otağından çıxıb nəvəsi yatdığı otağa gəlir. Qapını açanda nəvəsinin lüt vəziyyətdə, oğlunu isə paltarını geyinən görür. Oğlundan nə baş verdiyini soruşanda, Fazil ona “üstünü örtməyə gəlmişdim, birdən başladı ağlamağa” deyib otaqdan çıxıb gedir. Lakin Qurban hər şeyi baş düşür. O, Günaydan heç nə soruşmur. Oğlunun bu hərəkətini görməsi Qurbanın elə həmin gün ölümü ilə nəticələnir: bu mənzərənin şahidi olan Qurbanın ürəyi tutur. Oğlunun əxlaqsızlığı barədə Qurban heç kəsə heç nə deməyə macal tapa bilmir. Evə həkim çağırsalar da, onun həyatını xilas etmək olmur. Evdə heç kəs Qurbanın nə səbəbdən öldüyünü bilmir. Qurbanın “40”-ı çıxana qədər Fazil Günaya toxunmur. Atasının “40”-dan sonra Fazil iyrənc hərəkətlərinə davam edir. Yenə qızını ölümlə hədələyərək, onunla zorla cinsi əlaqədə olmaqda davam edir. Günlərin birində Fazil yenə hamını yuxuya verib, qızı Günayı yanına çağırır. Günaya yenə onunla cinsi əlaqədə olacağını söyləyir. Bu zaman Günay ona etirazını bildirir. Fazil onu sillə ilə yerə sərərək, təpikləməyə başlayır. Bundan sonra o, iyrənc əməlini həyata keçirir. Günayın qışqırıq səsinə gələn anası Şəfiqə otağın qapısının bağlı olduğunu görür. Qapını nə qədər döyürsə, Fazil açmır. Bir müddətdən sonra Fazil otaqdan çıxır. Şəfiqə qıza nə etdiyini soruşur. Fazil sənə “dəxli yoxdur, özüm bilərəm” deyir. Şəfiqə Günaydan baş verənləri soruşur. O isə qorxusundan heç nə demir. Şəfiqə Fazilin hərəkətindən şübhələnir. Bu barədə Fazilin qardaşı Malikə deyir. Malik qardaşının hərəkətinə inana bilmir. Məsələni Fazilə danışır. Lakin Fazil heç nəyi boynuna almır. “11 yaşım olandan atam məni zorlayır” Qardaşı ilə söhbətdən sonra Fazil evinə qayıdır. Əsəbi halda evə qayıdan Fazil qızı Günayı yanına çağırıb, ona nə üçün baş verənləri başqalarına söylədiyini soruşur. Günay cavabında heç kəsə heç nə demədiyini bildirir. Fazil bu dəfə qızına daha da pis işgəncə verəcəyini söyləyir. O, qızını sillə təpik altına salaraq yenə onunla zorla təbii və qeyri-təbii yolla cinsi əlaqədə olur. Bundan sonra o, Günaya bacısını yanına çağırmağı söyləyir. Günay atasından bacısını nə üçün istədiyini soruşur. Fazil cavabında “onu da sənin kimi edəcəm” deyir. Günay buna imkan verməyəcəyini söyləyir: “Qoymaram ki, mənim başıma gətirdiklərini bacımın başına gətirəsən”. Fazil Günaya “sizi ər evinə “qız” göndərməyəcəm” deyir. Bu zaman Fazil onun saçından tutaraq yerə yıxır. Təpiklə onun ağzına vurur. Gözünün altını göyərdir. Günayın qışqırığını anası həyətdən eşidir. Yuxarı qalxan Şəfiqə qızından nə baş verdiyini soruşur. Günay hər şeyi anasına etiraf edir: “11 yaşım olandan atam məni zorlayır. Bunu kiməsə desəm məni öldürəcək. 6 ildir ki, məni demək olar ki, hər gün zorlayır. İndi də bacım Sədaqəti zorlamaq istəyir”. Günay bu 6 ildə atasının onun başına açdığı bütün oyunları anasına söyləyir. Fazilin anası: “ Zəhərlə öldür onu, biz sənə kömək edərik” Şəfiqə o biri qızı Sədaqətin də təhlükədə olduğunu görüb, uşaqları götürərək ata evinə gedir. Bu barədə atasıgilə danışır. Şəfiqə uşaqları onlarda qoyub, Fazilin qardaşı Malik gilə yollanır. Malikə bütün baş verənləri danışır. Bu vaxt evdə olan Fazilin anası Fəzilət də baş verənlərdən xəbərdar olur. Oğlunun belə bir əclaflıq törətdiyini bilən ana və qardaş Şəfiqəyə onu zəhərləyib öldürməsini təklif edirlər: “Biz sənə kömək edərik. Zəhərlə öldür onu. Bu kəndə yayılsa, hamımız biabır olarıq. Sən onu zəhərləsən, heç kəsin bundan xəbəri olmaz”. “Qızımı sənin bacın Sürəyyaya oxşadığı üçün zorlamışam” Şəfiqə evə qayıdır. O, Fazildən belə hərəkəti nə üçün etdiyini soruşur. Fazil ona “əcəb eləmişəm” deyir: “Mən sənin bacın Sürəyyanı istəyirdim. Atan onu mənə vermədi. Günay da Sürəyyaya oxşayır. Ona görə də onu eləmişəm. Bütün bu sözləri eşidən Şəfiqə Fazil üzünə tüpürür. Fazil Şəfiqəni təpiyinin altına salıb, vəhşicəsinə döyür. Şəfiqə pis vəziyyətdə evə qayıdır. Evdəkilər ona polisə şikayət etməsini söyləyirlər. Şəfiqə belə də edir. O, qızı Günayı da götürüb, rayon polis idarəsinə gedir. Bütün baş verənləri müstəntiqə danışır. “Mən onu cəzalandırmaq üçün zorlamışam” Polis əməkdaşları Fazili həbs edir. Fazil ibtidai istintaqa ifadəsində ona qarşı irəli sürülən ittihamla özünü qismən təqsirli bilir: “2009-cu il sentyabrın 5-də evdə hamı yatdığından qızım Günayı yanına çağırıb ondan kəndə gəzən söhbətlərlə bağlı soruşdum. Günaya “kənddə sənin “qız” olmadığını deyirlər, bu nə məsələdir” deyin üstünə qışqırdım. Günay əvvəlcə bunları inkar etdi. Mən ona “bunu sübut edə bilərsənmi?” dedim. Günay hər şeyi etiraf edərək qızlığının uşaqlıqda pozulduğunu söylədi”. Fazil bundan əsəbiləşərək qızını cəzalandırmaq istədiyini bildirib: “Mən onu cəzalandırmaq üçün zorlamışam”. Qızını zorlayan ata özünü… qismən təqsirli bilir Fazilin cinayət işinə Ağır Cinayətlərə Dair İşlər üzrə Məhkəmədə baxılıb. Məhkəmədə ifadə verən Fazil yenə özünü qismən təqsirli bilib. O, qızının əxlaqsız olduğunu söyləyib: “Mən Günayın 11 yaşı olanda onu zorlamamışam. Günay uşaq vaxtı əxlaqsızlıqla məşğul olub, öz qızlığını pozub. Mən də onu cəzalandırmaq istəmişəm. Allah belə övladı heç kimə verməsin”. Məhkəmədə ifadə verən Günayın bacısı Sədaqət atasının onu da zorlamaq istədiyini bildirib: “Məni də zorlamaq istəyib. Canımı güc-bəla ilə qurtarmışam onun əlindən”. Fazil bütün bunları inkar edir. Lakin məhkəmə istintaqında onun qızı Günayı 2003-cü dekabrından 2009-cu ilin sentyabrınadək müxtəlif zamanlarda mütəmadi zorladığı sübuta yetirilir. P.S. Məhkəmə Fazili Azərbaycan Respublikası Cinayət Məcəlləsinin 149.2.3-ci (), 149.2.5-ci (təkrar törədildikdə), 149.3.3-cü (təqsirkar şəxs üçün aşkar surətdə on dörd yaşına çatmayan şəxs barəsində törədildikdə), 150.2.3-cü (. təqsirkar üçün aşkar surətdə yetkinlik yaşına çatmayan şəxs barəsində törədildikdə), 150.2.5-ci (təkrar törədildikdə) və 134-cü (Öldürməklə və ya sağlamlığa ağır zərər vurmaqla hədələmə) maddələri ilə təqsirli bilərək15 il müddətinə azadlıqdan məhrum edib.
Sayğaclar




Reportyor.tv
Reportyortv.org
Reportyortv.com
Liderpersona.info
Hava haqqinda