“Qorotdel”də BU VƏZİFƏ ləğv olundu

Bakı şəhər Baş Polis İdarəsində Mətbuat xidməti vəzifəsi ləğv edilib.
Publika.az xəbər verir ki, xidmət Daxili İşlər Nazirliyinin KİV və İctimaiyyətlə əlaqələr şöbəsinə birləşdirilib.
Bu vəzifəni polis mayoru Elşad Hacıyev icra edirdi. O, hazərda DİN-in Mətbuat xidmətində şöbə rəisidir.
Həmçinin, Bakı şəhər BPİ tərəfindən 1993-cü ildə təsis edilən “Polis” qəzeti də fəaliyyətini dayandırıb.
Qeyd edək ki, bir neçə gün öncə Daxili İşlər naziri, general-polkovnik Vilayət Eyvazovun əmri ilə Əkbər İsmayılov Bakı Şəhər Baş Polis İdarəsinə rəis təyin edilib.