Bu ölkə Rusiya ilə sərhəddə "Qalxan" tikir: elə sistemlər quraşdırılacaq ki...

Polşanın Baş naziri Donald Tusk Rusiya və Belarusla sərhəddə “Şərq Qalxanı” istehkam sisteminin tikintisinə başladığını açıqlayıb.

Baş nazir xəndək qazan texnikanın fotosunu də paylaşıb.

“European Pravda” nəşri yazır ki, bu layihə hələ may ayında təqdim olunub.

“Şərq Qalxanı” müxtəlif tipli istehkamlar və təbii maneələrdən ibarət olacaq. Bundan əlavə, kəşfiyyat və təhlükənin aşkarlanması sistemləri də quraşdırılacaq. Forvard bazaları, logistika qovşaqları, anbarlar və əks-dron sistemlərinin yerləşdirilməsi də nəzərdə tutulur.