Çin Trampın təyinatlarından narahatdır: Pekini qorxudan nədir?

Çin hakimiyyəti ABŞ-ın yeni seçilmiş prezidenti Donald Trampın öz komandasına Çinə mənfi münasibət bəsləyən şəxsləri təyin etməsindən narahatdır. Mümkün yeni ticarət müharibəsinin qarşısını almaq üçün Pekin hazırda Trampın komandası ilə təmas tapmağa çalışır.
Publika.az xəbər verir ki, bu barədə “Financial Times” nəşri yazır.
Nəşrin yazdığına görə, Pekin mümkün olan hər şeyi etməyə çalışır ki, Tramp ABŞ-da prezidentlik vəzifələrinin icrasını təhvil aldıqdan sonra Amerika tərəfi ilə yeni ticarət qarşıdurmasına getməyə məcbur olmasın.
Bu məqsədlə hətta Trampın prezidentliyinin birinci dövründə onun kabinetinin yüksək rütbəli nümayəndələri ilə əlaqələri bərpa etməyə cəhdlər edilir. Xüsusilə Çinlə ticarət müharibəsini dəstəkləyən Mike Voltz, Marko Rubio və Robert Lighthizer Çinə mənfi münasibət bəsləyirlər.
Gözlənilir ki, yanvar ayında vəzifəsinin icrasına başlayandan sonra Tramp Layt Xayzeri ticarət danışıqlarında səlahiyyətli nümayəndə təyin edəcək.