Qubernator Trampı məhkəməyə verdi

Kaliforniya ştatı və qubernator Qevin Nyusom ABŞ prezidenti Donald Tramp, Pentaqon və müdafiə naziri Pit Heqsetə qarşı iddia qaldırıb.
Publika.az xəbər verir ki, o, bu barədə “X” sosial şəbəkəsindəki hesabında bildirib.
Qubernator etirazları yatırmaq üçün Los-Ancelesə Milli Qvardiyanın göndərilməsi qərarının ştatın suverenliyini pozmasını əsas gətirərək San-Fransisko Federal Dairə Məhkəməsinə şikayət təqdim edib.
Onun sözlərinə görə, hökumət öz xalqı qarşısında cavabdeh olmalı, hərbi deyil, qanunun aliliyini və mülki hakimiyyəti rəhbər tutmalıdır.