Lavrova görə Blinkenin PLANI DƏYİŞDİ: bu ölkələrə səfərdən sonra...

ABŞ dövlət katibi Entoni Blinken Kiyev və Berlinə səfərlərindən sonra cümə günü Rusiya Xarici işlər naziri Sergey Lavrovla Cenevrədə görüşəcək.
Publika.az "RIA Novosti"yə istinadla xəbər verir ki, bu barədə ABŞ Dövlət Departamentinin yüksək rütbəli rəsmisi bildirib.
"Dövlət katibi Blinken bu səhər rusiyalı həmkarı Lavrovla danışdı və bu söhbət kontekstində hər ikisi şəxsən görüşməyin faydalı olacağı barədə razılığa gəldilər. Dövlət katibinin Kiyev və Berlinə səfəri ilə bağlı planları nəzərə alınıb. Səfər planına Cenevrədə dayanacağın da əlavə edilməsi qərarı verilib", - Dövlət Departamentinin rəsmisi vurğulayıb.
O, deyib ki, Ukrayna ətrafındakı böhranla bağlı diplomatik həll hələ də qüvvədədir. Görüş bunun sübutudur. 
Diplomat görüşün hansı tərəfin təşəbbüsü ilə keçirildiyi sualına cavab verməkdə çətinlik çəkib.