Daha bir nəhəng şirkət Rusiyadan çıxır

“Procter & Gamble” korporasiyası Rusiyada bütün yeni kapital qoyuluşlarını dayandıracağını və ölkədəki portfelini əhəmiyyətli dərəcədə məhdudlaşdıracağını açıqlayıb.
Publika.az xəbər verir ki, bu barədə “Reuters” baş direktor Con Moellerə istinadən məlumat yayıb. P&G Rusiya ərazisində bütün reklam və media fəaliyyətini də dayandırır. Qeyd edək ki, korporasiya “Gillette”, “Oral B”, “Mr. Clear” (Mr. Proper), “Tide”, “Pampers”, “Ariel”, “Braun”, “Head & Shoulders”, “Old Spice” və “Safeguard” daxil olmaqla 65 tanınmış brendə sahibdir.