Aİ Ukraynanın bərpası üçün xüsusi fond yaratmağı öhdəsinə götürdü

Avropa İttifaqı ölkənin bərpası üçün Ukrayna ilə Həmrəylik Etimad Fondu yaratmağı öhdəsinə götürüb.
Publika.azUNIAN-a istinadla xəbər verir ki, bu barədə  Aİ sammitinin yekunlarının 8-ci bəndində deyilir.
Rusiyanın hərbi təcavüzü nəticəsində Ukraynaya vurulan dağıntıları, böyük itkiləri nəzərə alaraq, Aİ dövlətin təcili ehtiyaclarını ödəmək və müharibədən sonra demokratik Ukraynanı bərpa etmək üçün Ukrayna hökumətini dəstəkləməyə sadiqdir.

• Bu məqsədlə Avropa İttifaqı Ukrayna ilə Həmrəylik Etimad Fondunun yaradılmasına razılıq verir və beynəlxalq tərəfdaşları iştiraka dəvət edir, dərhal hazırlıq görməyə çağırıb.
• Aİ komissiyanı ölkədə islahatlar üçün texniki yardım göstərməyə davam etməyə çağırıb.
• Aİ həmçinin fonda vəsait toplamaq üçün vaxtında beynəlxalq konfrans təşkil etməyə çağırıb.

KSE-nin hesablamalarına görə, fevralın 24-də Rusiyanın hücumu nəticəsində infrastruktura dəyən ziyan artıq 62-119 milyard dollar təşkil edib. Əhalinin, sosial və tibbi infrastrukturun itkiləri 10 milyard dollara qədər.

Maliyyə naziri Marçenko hesab edir ki, Ukrayna müharibə səbəbindən ÜDM-nin 1/3-ni itirəcək.
2022-ci ildə birbaşa itkilər təxminən 62 milyard dollar olacaq və gələcək minalardan təmizləmə xərcləri 1 trilyon dolları keçəcək.