ABŞ Ukraynaya yeni hərbi yardım paketi hazırlayır

ABŞ yaxın həftələrdə elan olunacaq Ukraynaya yeni hərbi yardım paketi hazırlamağa başlayıb.
Publika.az xəbər verir ki, bu barədə ABŞ prezidentinin milli təhlükəsizlik müşaviri Ceyk Sallivan məlumat verib.
Onun sözlərinə görə, Amerika Birləşmiş Ştatları Ukraynaya hərbi yardım göstərməkdə sabitliyi davam etdirəcək.
"İndicə elan etdiyimiz bir yardım paketini bilirsiniz, yaxın bir neçə həftə ərzində başqa bir paket olacaq" Sallivan deyib.
O, həmçinin əlavə edib ki, yardım paketi təxminən əvvəlkilərlə eyni ölçüdə olacaq.
Sallivan vurğulayıb ki, Ağ Ev gələn il üçün əlavə resurslarla bağlı Konqreslə məsləhətləşmələr aparır.
Reportyor.tv