MKİ direktoru ANKARADA: Rusiyaya bu mesajı çatdıracaq

ABŞ Mərkəzi Kəşfiyyat İdarəsinin (MKİ) direktoru Uilyam Berns rusiyalı həmkarı ilə görüşmək üçün Ankaradadır.
reportyor.tv xəbər verir ki, bu barədə "Reuters" Ağ Ev rəsmisinə istinadla xəbər verir.
Rəsminin sözlərinə görə, Bernsə Rusiyanın nüvə silahından mümkün istifadəsinin nəticələri barədə Rusiya tərəfinə mesaj çatdırmaq tapşırılıb.
"O, heç bir danışıqlar aparmır. O, Ukraynadakı müharibənin həllini müzakirə etmir.", - məmurdan sitat gətirilib.
O, həmçinin bildirib ki, MKİ rəhbərinin Ankaraya səfəri ilə bağlı Ukrayna tərəfi məlumatlandırılıb.
Mənbə bildirib ki, Berns Rusiyada saxlanılan ABŞ vətəndaşları ilə bağlı məsələ qaldırmağı planlaşdırır.