Rusiya-NATO TOQQUŞMASI: Çexiya ən təhlükəli ssenariyə hazırlaşır
Tarix: 22-11-2022, 23:30
Baxılıb: 106
Google+ Paylaş
Tumblr Paylaş

Rusiya-NATO TOQQUŞMASI: Çexiya ən təhlükəli ssenariyə hazırlaşır

22-11-2022, 23:30

"Çexiya ordusunda təcili modernləşdirmə aparmağa hazırlaşır. Ölkə Ukraynada müharibənin mümkün eskalasiyasından narahatdır və bu, Rusiya ilə NATO arasında münaqişəyə çevrilə bilər".
Publika.az "Idnes"ə istinadla xəbər verir ki, bunu Çexiya Baş Qərargahının rəhbəri Karel Rzeka deyib.
O hesab edir ki, bu halda ölkəsinin ordusu ilk dəqiqələrdən müharibənin fəal iştirakçısına çevriləcək.
"Biz, ilk növbədə, ən çətin və təhlükəli ssenariyə, yəni qabaqcıl düşmənə qarşı genişmiqyaslı müharibəyə hazırlaşmalıyıq. Ukraynadakı müharibə bütün cəmiyyət üçün böyük həyəcan siqnalıdır. Ukraynada müharibənin eskalasiyası potensialı artmaqda davam edir. Hətta ən ciddi ssenarini də istisna etmək olmaz", - Çexiya Baş Qərargahının rəhbəri xəbərdarlıq edib.
O, hökuməti Çexiya Ordusunun tarixində ən böyük silahlanmaya çağırıb:
"Avropada müharibə yenidən reallığa çevrilib və Şimali Atlantika Alyansının sərhəddində baş verir. Əbədi sülh utopiyadır. Bu böhran üçün xəbərdarlıq dövrü ən azı 2014-cü ildən davam edir. Biz hər şeyin sakitləşəcəyinə ümid edirdik. Amma ümid strategiya deyil".
Reportyor.tv


Google+ Paylaş
Tumblr Paylaş

FACEBOOK ŞƏRH YAZ