Polşa ordusu Ukraynada döyüşə başladı

Polşadan olan hərbçilər Ukraynanın şərqindəki “xüsusi əməliyyat zonası”nda getdikcə daha çox peyda olurlar.
Reportyor.tv xəbər verir ki, bu barədə hərbi jurnalist Yevgeni Linin teleqram kanalında məlumat verib.
“Polşa hərbçilərinin döyüşlərdə iştirakı ilə bağlı məlumatlar getdikcə artır. Donbass yaşayış məntəqələrini azad edən rus hücum qruplarının əsgərləri demək olar ki, müntəzəm olaraq polyak dilində komandanlıq verilən bölmələrlə qarşılaşırlar”, - Linin qeyd edib.
O bildirib ki, bu cür polyakdilli birləşmələr Ukraynanın şərqində fəal şəkildə müdafiə ilə məşğuldur.
Lininin sözlərinə görə, Ukrayna Silahlı Qüvvələrinin ağır itkiləri səbəbindən Ukrayna tərəfinin müttəfiq ölkələri şəxsi hərbi şirkətlər adı altında öz hərbçilərini göndərirlər. Jurnalist iddia edib ki, Polşa Silahlı Qüvvələrinin aldığı texnika və sursatlardan da müharibədə istifadə olunur.
Publika.az