Avropada ENERJİ BÖHRANI: martın əvvəlindən bəri ilk dəfə...

Avropada qazın qiyməti martın əvvəlindən bəri ilk dəfə olaraq min kubmetr üçün 3300 dolları ötüb.
reportyor.tv xəbər verir ki, bu barədə Londonun ICE birjası məlumat yayıb.
Tender növbəti fyuçerslər üçün min kubmetr üçün 3080 dollar qiymət etiketi ilə açılıb, lakin Bakı vaxtı ilə saat 19:00-da 10,8% artaraq min kubmetr üçün 3312,5 dollara çatıb.
Qazın qiymətinin bu cür sıçrayışları onun Rusiya tərəfindən Avropaya tədarükü məsələsində qeyri-müəyyənliklə izah olunur.
Rusiyanın “Qazprom” korporasiyası iyulun 27-də “Şimal axını” qaz kəməri ilə nəqlin azaldığını açıqlayıb. Kreml izah edib ki, sistem Aİ sanksiyaları ilə çətinləşdirilən texniki xidmət səbəbindən eyni həcmdə qazı vura bilmir.
“Şimal axını” ilə nəql olunan qazın həcmi texniki işlərə görə azalıb: Kanada şirkəti təmir edilmiş turbinini "Siemens"ə qaytarmayıb.