Sabiq baş nazir atasını cəngavər tituluna namizəd göstərib

Britaniyanın keçmiş baş naziri Boris Conson atası Stenlini cəngavər tituluna namizəd göstərib.
reportyor.tv xəbər verir ki, bu barədə “The Times” məlumat yayıb.
Qeyd olunur ki, Britaniya hökumətinin keçmiş rəhbəri layiq bildiyi şəxslərin fəxri adlara namizədliyini irəli sürmək hüququna malikdir.
Nəşrin məlumatına görə, Conson 100-ə yaxın adamın namizədliyini irəli sürüb. Bununla belə, qəzet 82 yaşlı Stenli Consonun cəngavər rütbəsinə layiq görüləcəyinə şübhə edir, çünki nəşrin məlumatına görə, bir neçə qadın onu nalayiq davranışda ittiham edib.
Keçmiş baş nazirin atası 1979-1984-cü illərdə Avropa Parlamentinin deputatı olub. Bundan əlavə, müxtəlif illərdə Avropa Komissiyasında da çalışıb.