Baykal gölünün sularında güclü zəlzələ oldu

Baykal gölünün sularında 4,4 bal gücündə zəlzələ baş verib.
reportyor.tv xəbər verir ki, bu barədə Rusiya Fövqəladə Hallar Nazirliyinin Buryatiya üzrə Baş İdarəsi məlumat yayıb.
Zəlzələ yerli vaxtla saat 22:07-də Kabanski rayonunun Oymur kəndi yaxınlığında baş verib.
“Baykal gölünün sularında 4,4 bal gücündə seysmik hadisə qeydə alınıb. Zəlzələnin episentri Kabanski rayonunun Oymur qəsəbəsindən 22 kilometr şimal-qərbdə yerləşib”, - məlumatda deyilir.
Yeraltı təkanlar Ulan-Ude şəhəri də daxil olmaqla 7 bələdiyyədə hiss olunub.