Rusiya Ukraynaya görə "Telegram"ı cərimələdi - ŞOK MƏBLƏĞ

Rusiyada məhkəmə bu ölkənin silahlı qüvvələrinin Ukraynanın döyüş bölgəsindəki hərəkətləri ilə bağlı "saxta məlumat" yayan 32 kanalı silmədiyinə görə "Telegram" messencerini 4 milyon rubl (47 500 dollar) cərimələyib.
reportyor.tv xəbər verir ki, bu barədə "RİA Novosti" məlumat yayıb .
"Telegram Messenger Inc." şirkəti Rusiya Federasiyasının İnzibati Məsuliyyət Məcəlləsinin 13.41-ci maddəsinin 2-ci hissəsinə uyğun olaraq inzibati xəta törətməkdə təqsirli bilinir və 4 milyon rubl məbləğində inzibati cərimə ilə üzləşir", - məlumatda deyilir.
Qeyd edək ki, Rusiya Prokurorluğunun tələbi ilə Roskomnadzor "Telegram"a "Ozodlik Radio", "Dojd", "Meduza", "Kavkaz Realii", "Sibir Realii" kimi 32 kanalın silinməsi barədə sorğu göndərib.