DİN-in hərbi qulluqçusu azad edilən ərazidə minaya düşüb

Daxili İşlər Nazirliyinin (DİN) hərbi qulluqçusu minaya düşüb.
DİN-in mətbuat xidmətindən Reportyor.tv bildirilib ki, oktyabrın 5-də saat 17 radələrində işğaldan azad edilən ərazidə Daxili İşlər Nazirliyinin Daxili Qoşunlarının hərbi qulluqçusunun xidmət vaxtı piyada əlehinə minaya düşməsi barədə məlumat daxil olub.
1999-cu il təvəllüdlü S.Adgözəlov minaya düşməsi nəticəsində ayağından xəsarət alıb. O, dərhal xəstəxanaya çatdırılıb.
Araşdırma aparılır.