Şəkidə avtomobil 68 yaşlı qadını vuraraq öldürüb

Şəkidə ölümlə nəticələnən yol-nəqliyyat hadisəsi baş verib.
DİN-in mətbuat xidmətinin Şəki regional qrupundan Reportyor.tv-yə bildirilib ki, hadisə fevralın 29-u saat 17:30 radələrində Şəki şəhəri ərazisində qeydə alınıb.
Murad Əfəndiyev idarə etdiyi “Lada Priora” markalı avtomobil ilə yolu keçən piyada, 1956-cı il təvəllüdlü Əntiqə Fətəliyevanı vurub. Piyada aldığı xəsarətlərdən hadisə yerində vəfat edib.
Faktla bağlı araşdırma aparılır.