FHN metroda təlim keçirəcək

Fövqəladə Hallar Nazirliyi (FHN) metronun “Elmlər Akademiyası” stansiyasında təlim keçirəcək.
Bu barədə reportyor.tv-a FHN-in Mətbuat Xidmətindən məlumat verilib.
Bildirilib ki, FHN ilə “Bakı Metropoliteni” QSC mayın 26-sı gecə saat 01:00 radələrində metronun “Elmlər Akademiyası” stansiyasında “Bakı metropolitenində baş verə biləcək fövqəladə hadisələr zamanı fəaliyyətin təşkili” mövzusunda birgə taktiki təlim keçirəcək.
Təlimə FHN-in xüsusi təyinatlı texnikaları və şəxsi heyətinin cəlb olunması nəzərdə tutulur.