Türkiyə ABŞ-ın təyyarədaşıyan gəmilər göndərdiyi Şərqi Aralıq dənizində hərbi təlim keçirəcək

Türkiyə Hərbi Dəniz Qüvvələri ABŞ-ın təyyarədaşıyan gəmilər göndərdiyi Şərqi Aralıq dənizində hərbi təlim keçirəcək.
Reportyor.tv xəbərinə görə, bu barədə “Yeni Şafak” qəzeti məlumat yayıb.
Bundan əvvəl ABŞ İsrail-HƏMAS qarşıdurması ilə bağlı ən böyük təyyarədaşıyan gəmisi “Gerald Ford”-u Şərqi Aralıq dənizinə göndərib, oktyabrın 14-də isə digər təyyarədaşıyan gəmisi “Dwight Eisenhower”-i də bu bölgəyə göndərdiyini açıqlayıb.
Türkiyə bu bölgədə 16-20 oktyabr tarixlərində hərbi dəniz təlimi keçirəcək. Bundan başqa, 23-27 oktyabr tarixlərində Türkiyə Şimali Kipr Türk Cümhuriyyəti ilə birgə təlimlər keçirəcək