Tokayev Zelenski ilə Ukrayna müharibəsini müzakirə etdi

Qazaxstan prezidenti Qasım-Jomart Tokayev və Ukrayna prezidenti Vladimir Zelenski arasında telefon danışığı olub.

reportyor.tv xəbər verir ki, bu barədə Qazaxıstan prezidentinin mətbuat xidməti məlumat yayıb.

Tokayev Ukrayna ətrafında vəziyyətin diplomatik yolla həllinin tərəfdarı olduğunu deyib. Həmçinin, taxıl böhranı ilə bağlı İstanbulda əldə olunan razılaşmanı yüksək qiymətləndirib.

Qeyd edək ki, Qazaxıstan Ukraynanın ərazi bütövlüyünü tanıyır.