Avstraliyadan vətəndaşlarına çağırış: İrana getməyin!

Avstraliya hökuməti vətəndaşlarına İrana səfər etməkdən çəkinməyi, hazırda İranda olan avstralıyalıların isə İranı tərk etməsini məsləhət görüb.

Bu barədə Avstraliya Xarici İşlər Nazirliyi bəyanat yayıb.

Xəbərdarlıq çağırışında İranda hökumətin şantaj məqsədilə adam oğurluğu təhlükəsi xatırladılıb, özbaşına həbs olunma riskinin yüksək olması diqqətə çatdırılıb.

Bəyanatda İranın İraq, Əfqanıstan və Pakistanla sərhəd bölgələri “son dərəcə təhlükəli” yerlər kimi qeyd edilib.