Rəcəb Tayyib Ərdoğan G7 Liderləri Zirvəsinin xüsusi qonağı olacaq

Bu gün Türkiyə prezidenti Rəcəb Tayyib Ərdoğan Böyük Yeddilik (G7) Liderləri Zirvəsində xüsusi qonaq qismində çıxış edəcək.
Ərdoğanın çıxışının əsas hissəsini İsrailin Qəzzada 8 aydır davam edən hərbi əməliyyatları tutacaq.
Bundan başqa Ərdoğanın çıxışında Rusiya-Ukrayna müharibəsi və iqtisadi əməkdaşlıq məsələlərinin də olacağı bildirilir.
Ərdoğan çıxışı zamanı Türkiyənin Qəzzada atəşkəsin təmin edilməsi üçün göstərdiyi diplomatiya və humanitar yardımlardan danışacaq.