Sutka ərzində 10 GÜCLÜ ZƏLZƏLƏ - Kamçatka dayanmadan SİLKƏLƏNİR

Son 24 saat ərzində Kamçatkada silsilə seysmik aktivlik qeydə alınıb.

Reportyor.tv xəbər verir ki, bu barədə Rusiya Elmlər Akademiyasının Vahid Geofizika Xidmətinin Kamçatka bölməsi məlumat yayıb.

Bildirilib ki, avqustun 2-də Moskva vaxtı ilə saat 00:00-dan avqustun 2-də Moskva vaxtı ilə saat 23:00-dək Petropavlovsk-Kamçatski ərazisində 10 nəzərə çarpan zəlzələ baş verib və yeraltı təkanların ümumi sayı 65-i keçib.

Qeydə alınan ən güclü zəlzələlər 6,1 və 6,2 bal gücündə olub. Seysmoloqların fikrincə, belə aktivlik region üçün qeyri-adi haldır. Hazırda mütəxəssislər yarımadada seysmik vəziyyətin monitorinqini davam etdirirlər.

Publika.az