Zelenskidən Rusiya açıqlaması: Yeni hədəflər müəyyən etmişik

Kiyev uzaqmənzilli silahların tətbiq olunduğu ərazilərin genişləndirilməsi istiqamətində yeni hədəflər müəyyən edib.

Publika.az xəbər verir ki, bu barədə Ukrayna Prezidenti Volodimir Zelenski "Telegram" kanalında bildirib.

Onun sözlərinə görə, Ali Baş Komandanın Qərargah iclasında müəyyən dövr ərzində uzaqmənzilli zərbələrin nəticələri və onların səmərəliliyi təhlil olunub.

“Rusiyanın neft emalı sənayesi müharibə nəticəsində ciddi itkilərlə üzləşib və bu itkilər artmaqda davam edəcək. Biz uzaqmənzilli imkanlarımızın coğrafiyasını daha da genişləndirmək məqsədilə yeni hədəflər formalaşdırmışıq”, - Zelenski qeyd edib.