Pakistan XİN: Bunu ABŞ-dan da gözləyirik

“İngilis millət vəkillərinin Hindistan tərəfindən işğal edilmiş Cammu və Kəşmirlə bağlı son açıqlamaları Kəşmirin Hindistanın daxili məsələsi deyil, həm də beynəlxalq məsələ olduğunu açıq şəkildə ortaya qoydu”.
Publika.az xəbər verir ki, bunu Pakistan Xarici İşlər naziri Şah Mahmud Qureyşi deyib.
Qureyşi Co Baydenin ABŞ-a rəhbərlik etməsindən sonra Konqresdə kəşmirlilərin lehinə oxşar münasibətin göstərilməsini gözlədiyini bildirib. O İngiltərə, ABŞ və Avropa parlamentlərindən olan millət vəkillərini Kəşmirə gəlməyə və bölgədəki vəziyyəti qiymətləndirməyə çağırıb.
reportyor.tv