Qazaxıstandakı iğtişaşlarda ölənlərin sayı AÇIQLANDI

Yanvar ayının əvvəlində Qazaxıstanda baş verən iğtişaşlar nəticəsində 225 nəfər həlak olub, 4,3 mindən artıq insan xəsarət alıb.
Publika.az xəbər verir ki, bu barədə ölkənin Baş Prokurorluğundan bildiriblər.
Məlumata əsasən, ümumilikdə 4 578 nəfər iğtişaşlar zamanı zərər görüb, onlardan 4 353 nəfəri yaralanıb. Yaralananlardan 3 393 nəfəri hüquq-mühafizə orqanları əməkdaşlarıdır.
Bildirilib ki, ölənlər arasında 19 nəfəri polis əməkdaşı və hərbçilərdir.