Nazirlik: Təhsilalanların sayı əhalinin 21,7 faizini keçəcək

Növbəti ildə təhsilalanların sayı daha 46 min nəfər artaraq, 2 milyon 200 mini keçəcək.
Reportyor.tv  xəbər verir ki, bunu elm və təhsil nazirinin müavini İdris İsayev BMT Dayanıqlı İnkişaf Məqsədləri dialoqları çərçivəsində “2030-cu ilə doğru: Azərbaycanda sosial-iqtisadi inklüzivlik” mövzusunda keçirilən konfransda deyib.
O bildirib ki, beləlikə ümumilikdə təhsilalanların sayı əhalinin 21,7 faizini keçəcək:
"Hazırda təhsilalanların sayı əhalinin 21,3 faizini təşkil edir. 4 il əvvəllə müqayisədə bu göstərici 11,7 faiz artıb ki, bu da 227 min təhsilalan deməkdir. Lakin məktəbəqədər təhsil pilləsində təhsil alanların sayı o qədər də ürəkaçan deyil".