Gəncədə yük avtomobilin vuruduğu piyada xəstəxanada ölüb

Gəncədə piyadanın ölümü ilə nəticələnən yol qəzası baş verib.
Reportyor.tv yerli bürosunun məlumatına görə, hadisə şəhərin Nəriman Nərimanov prospektində qeydə alınıb.
Hərəkətdə olan yük maşını 1960-cı il təvəllüdlü Gülmüzər Nəcəfovanı vurub.
64 yaşlı qadın ağır vəziyyətdə xəstəxanaya yerləşdirilib.
Həkimlərin bütün səylərinə baxmayaraq, G.Nəcəfova xəstəxanada ölüb.
Faktla bağlı araşdırma aparılır.