Bakıda dəhşətli gecə - 2 nəfərin meyiti çıxarıldı

Bakıda ölümlə nəticələnən yol qəzası olub.
Publika.az Fövqəladə Hallar Nazirliyinə istinadən xəbər verir ki, "112" qaynar telefon xəttinə daxil olan məlumata əsasən, Bakı şəhərinin Nərimanov rayonunda “AzSamand” markalı minik avtomobili yoldan çıxaraq aşıb. Hadisə yerinə cəlb olunan Xüsusi Riskli Xilasetmə Xidmətinin xilasetmə qüvvələri sıxılı vəziyyətdə qalan 1969-cu il təvəllüdlü İmanov Qəhrəman Əlövsət oğlunun meyitini deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.
Qeyd edək ki, oxşar hadisə ötən gecə Surxanıda da baş verib. FHN əməkdaşları 32 yaşlı şəxsin meyitini qəzaya uğrayan "Tofaş" markalı avtomobildən çıxarıbar.