Ulduz futbolçunu pulsuz transfer etmək istəyirlər

“Barselona”nın hücumçusu Robert Levandovski “Milan”ın maraq dairəsinə düşüb.

Publika.az xəbər verir ki, bu barədə “Calciomercato” məlumat yayıb.

Mənbənin məlumatına görə, “rossonerilər” ulduz polyak forvardı bu yay pulsuz şəkildə heyətə qatmağa cəhd edəcəklər.

Cari mövsümdə Robert 14 matçda oynayıb və 8 qol vurub.

Bundan əvvəl “Barselona”nın Levandovski ilə yollarını ayırmağı planlaşdırdığı bildirilmişdi. Klub rəhbərliyi 37 yaşlı hücumçu ilə müqaviləni yeniləməmək qərarına gəlib. Bu addımın əsas səbəbi futbolçunun yaşı və fiziki formasının tədricən zəifləməsidir.

Kataloniyalılar polşalı forvardın əvəzinə “Bavariya”dan Harry Keyni transfer etməyi planlaşdırırlar.