Ulduz futbolçudan “Real”a şad xəbər

“Real”ın əsas qapıçısı Tibo Kurtua La Liqada «Girona» ilə keçiriləcək matçda komandanın heyətinə qayıdacaq.

Publika.az xəbər verir ki, bu barədə “Sport.es” məlumat yayıb.

Belçikalı qapıçı mədəbəstə-bağırsaq infeksiyası səbəbindən “Olympiakos” ilə Çempionlar Liqasının oyununu buraxmışdı. Gözlənilir ki, o, start heyətində ukraynalı qapıçı Andrey Luninii əvəz edəcək.

Komandanın ərizəsində müdafiəçilər Antoni Rudiqer, Eder Militao, həmçinin vinger Franko Mastantuono da yer alacaq.

Qeyd edək ki, “Jirona” ilə matç 30 noyabrda Bakı vaxtı ilə saat 00:00-da keçiriləcək.