Afinada sirli ölüm: “Tehran” serialının prodüseri hoteldə ölü tapıldı

İsrail istehsalı olan məşhur casus trilleri “Tehran” serialının həmmüəllifi və prodüseri Dana Eden Yunanıstanın paytaxtı Afinada ölü halda aşkar edilib.

Reportyor.tv xəbər verir ki, 52 yaşlı İsrail vətəndaşının meyiti bazar günü gecə şəhərin mərkəzində – Sintagma meydanı yaxınlığındakı hotellərin birində tapılıb.

Yunanıstan polisi ilkin araşdırma nəticələrinə əsasən, müşahidə kameraları və hadisə yerinin baxış protokollarının intihar versiyasını göstərdiyini bildirib.

Məlumata görə, Eden fevralın 4-də Apple TV platforması üçün çəkilən serialın dördüncü mövsümü üzərində işləmək məqsədilə Afinaya gəlmişdi.

Musavat.com