Hamı icra başçısının bu hərəkətindən danışır - VİDEO

Tərtər rayonunda 1 İyun Uşaqların Beynəlxalq Müdafiəsi Günü qeyd olunub. Azyaşlıların iştirakı ilə təşkil olunan tədbirdə Tərtərin icra başçısı Müstəqim Məmmədov, rayondakı idarə və müəssisələrin rəhbərləri, uşaqlar və onların valideynləri iştirak edib. 

Reportyor.tv Yenisabah.az-a istinadən xəbər verir ki, sosial şəbəkələrdə həmin tədbirdən çəkilmiş görüntülər paylaşılıb. Görüntülərdən aydın olur ki, icra başçısı Müstəqim Məmmədov uşaqlarla birlikdə rəqs edir, onlara nəvaziş göstərir. Rayon rəhbərinin bu görüntüləri sürətlə sosial şəbəkələrdə yayılıb. Sosial şəbəkə istifadəçiləri görüntüləri bəyəndiklərini bildirərək, icra başçısının ünvanına xoş sözlər yazıblar.

Həmin görüntüləri təqdim edirik: