Evdə bir nəfərin meyiti aşkar edildi

Gədəbəyin Söyüdlü kəndindəki evdə bir nəfərin meyiti aşkarlanıb.
Bu barədə reportyor.tv Fövqəladə Hallar Nazirliyinin (FHN) Mətbuat Xidmətindən məlumat verilib.
Məlumatda bildirilib ki, FHN-in "112" qaynar telefon xəttinə daxil olan məlumata əsasən, rayonun Söyüdlü kəndində 1 nəfər evdə bağlı qapı arxasında köməksiz vəziyyətdə qalıb.
Hadisə yerinə cəlb olunan FHN-nin Dövlət Yanğından Mühafizə Xidmətinin müvafiq xilasetmə qüvvələri evin giriş qapısını açıb və orada aşkarlanan 1 nəfərin meyitini aidiyyəti üzrə təhvil veriblər.