Mingəçevirdə kanalizasiya quyusunda meyit tapılıb - YENİLƏNİB

İyunun 27-də Mingəçevir şəhər sakini 1985-ci il təvəllüdlü Ceyhun Əhmədovun quyuya yıxılaraq ölməsi faktı üzrə Mingəçevir şəhər prokurorluğunda araşdırma aparılır.
Reportyor.tv  xəbər verir ki, bu barədə Baş prokurorluğun Mətbuat xidmətindən bildirilib.
Xəbərə görə, hadisənin baş vermə səbəbi tam, hərtərəfli və obyektiv araşdırılmaqla nəticəsi barədə müvafiq qərarın qəbul edilməsi təmin olunacaq.
***
10.33
Mingəçevirdə meyit tapılıb.

Reportyor.tv xəbər verir ki, Mingəçevir şəhər sakini, 1985-ci il təvəllüdlü Ceyhun Əhmədovun meyiti şəhər ərazisində kanalizasiya quyusunda aşkar edilib.
Onun quyuya düşərkən qarın nahiyəsinə armatur batması nəticəsində öldüyü bildirilir.
Faktla bağlı araşdırma aparılır.