Prokurorluq Gəncə sakininin əvvəl arvadını, sonra özünü bıçaqlaması hadisəsi ilə bağlı məlumat yayıb

əncə şəhər prokurorluğu kişinin arvadına bıçaq zərbəsi vurub, sonra özünə xəsarət yetirməsi ilə bağlı məlumat yayıb.
Prokurorluqdan Reportyor.tv  verilən xəbərə görə, iyulun 1-də 1988-ci il təvəllüdlü Şəhla Bayramova və 1989-cu il təvəllüdlü Ramin İmanovun xəsarətlərlə xəstəxanaya daxil olmaları barədə şəhər prokurorluğuna məlumat daxil olub.

Aparılmış araşdırmalarla Ramin İmanovun Gəncə şəhəri Məhsəti qəsəbəsində yerləşən yaşayış evində Şəhla Bayramovaya kəsici-deşici alətlə xəsarətlər yetirərək öldürməyə cəhd etməsi, daha sonra isə özünə xəsarət yetirməsinə əsaslı şübhələr müəyyən edilib.
Faktla bağlı Gəncə şəhər prokurorluğunda Cinayət Məcəlləsinin 29,120.1-ci (qəsdən adam öldürməyə cəhd) maddəsi ilə cinayət işi başlanıb.
İbtidai istintaq davam etdirilir.