Bu universitet təmir olunur - 2 milyona yaxın pul ayrılır

Bakı Slavyan Universitetinin (BSU) tədris binasında təmir işləri aparılacaq.

Reportyor.tv-nin Trend-ə istinadən məlumatına görə, təmir işləri universitetin birinci və ikinci tədris binalarını, eləcə də, yataqxanasını əhatə edəcək.

Belə ki, artıq bununla bağlı BSU müvafiq işlərə başlayıb.

Universitet hazırda təmir işlərini aparacaq şirkət axtarışındadır.

Eyni zamanda, BSU sözügedən işlərin icrası ilə bağlı müqavilə bağlayacağı şirkətə 1,8 milyon manat ödəməyə hazır olduğunu da bildirir.