İstanbulda bu barədə razılığa gəlindi: yaşı 25-dən aşağı olan əsirlər...

Ukrayna və Rusiya “6000-in 6000-ə” formatında hərbi qulluqçuların meyitlərinin mübadiləsinə dair razılığa gəliblər.
Publika.az xəbər verir ki, bunu Ukraynanın müdafiə naziri Rustam Umerov açıqlayıb.
O, mətbuat konfransında bildirib ki, Ukrayna və Rusiya ağır yaralı və yaşı 25-dən aşağı olan əsirlərin dəyişdirilməsini də razılaşdırıb.
Xatırladaq ki, Rusiya və Ukrayna nümayəndə heyətlərinin görüşü bazar ertəsi, iyunun 2-də İstanbulda baş tutub və bir saata yaxın davam edib. Mayın 16-da keçirilən danışıqların birinci raundunda tərəflər “1000-ə 1000” düsturuna əsasən məhbusların mübadiləsini müzakirə etmişdilər.