İran AYAĞA QALXDI: paytaxtda etiraz aksiyaları başladı

İranın paytaxtı Tehranda nüvə alimi Muhsin Fəxrizadənin öldürülməsinə etiraz olaraq aksiyalar başlayıb.
Publika.az xəbər verir ki, Milli Təhlükəsizlik Ali Şurasının inzibati binası qarşısında toplaşan etirazçılar ABŞ və İsrailə qarşı intiqam şüarları səsləndirib.
İran mediası, tələbələr və bir neçə din adamından ibarət qrupun keçirdiyi aksiyada “Sülh yoxdur, təslimiyyət yoxdur, ABŞ ilə müharibə var”, “İsrailə ölüm” plakatları qaldırılıb.
Qeyd edək ki, M.Fəxrizadə İran nüvə proqramının memarı kimi tanınır. O, Tehranın Absərd rayonunda təşkil olunan terror aktında dünyasını dəyişib.