Kəşfiyyat siqnalları artır: Tehran hücumlara hazırlaşır

The New York Times Qərb kəşfiyyat orqanlarına istinadən yazır ki, İran ABŞ-nin mümkün genişmiqyaslı zərbələri halında xaricdəki Amerika hədəflərinə qarşı proksi qüvvələrini aktivləşdirə bilər.

Reportyor.tv xəbər verir ki, ABŞ kəşfiyyatı son günlər ələ keçirilmiş rabitə kanallarında və müxtəlif silahlı qruplarla təmaslarda artım qeydə alıb. Hələlik konkret əməliyyat planları aşkarlanmayıb, lakin artan siqnallar mümkün hazırlıq ehtimalını gücləndirir.

Əsas risk ssenariləri

Husilər-in Qırmızı dənizdə beynəlxalq ticarət gəmilərinə hücumları yenidən başlada bilər.

Hizbullah-ın Avropadakı “yatan hüceyrələri”nin aktivləşdirilməsi ehtimalı müzakirə olunur.

Əl-Qaidə və onun regional qollarının ABŞ bazalarına və diplomatik obyektlərinə qarşı istifadə oluna biləcəyi istisna edilmir.

Ekspertlər hesab edirlər ki, Tehran yalnız birbaşa hərbi qarşıdurma deyil, həm də “hibrid cavab” taktikası seçə bilər. Bu isə regiondan kənarda terror aktları, təxribat və qeyri-ənənəvi hücum üsullarını əhatə edə bilər.

ABŞ Senatının Silahlı Qüvvələr Komitəsinin sədri, senator Cek Reed xəbərdarlıq edib ki, İrana qarşı zərbələr regionda genişmiqyaslı müharibəyə yol aça və qlobal enerji bazarlarında ciddi sarsıntı yarada bilər.

Musavat.com