Bakı-Sumqayıt yolunda qəza: “KİA” beton maneəyə çırpıldı, sürücü... - FOTO

Bu gün Sumqayıtdan Bakı istiqamətində hərəkət edən “KİA” markalı minik avtomobili Bakı-Sumqayıt yolunda qəza törədib.
Reportyor.tv xəbər verir ki, sürücü idarəetməni itirərək yolun ortasındakı beton maneəyə çırpılıb.
Hadisə nəticəsində avtomobilə ciddi texniki ziyan dəyib. Zərbənin gücündən avtomobilin ön hissəsi tamamilə əzilib.
Qəza yerinə dərhal yol polisi əməkdaşları cəlb olunub və ərazidə nəqliyyatın hərəkəti qısa müddətlik məhdudlaşdırılıb.
Sürücünün yüngül xəsarət aldığı və ilkin tibbi yardım göstərildiyi bildirilir.
Hadisənin başvermə səbəbləri araşdırılır.
Musavat.com