Moskvada 33 yaşlı azərbaycanlı qadın SAXLANILDI - 18 milyonluq brilyant QALMAQALIFOTO

Rusiyanın paytaxtı Moskva şəhərində yerləşən Vnukovo hava limanında Azərbaycan vətəndaşı olan qadın gömrük nəzarəti zamanı saxlanılıb.

Reportyor.tv xəbər verir ki, 33 yaşlı qadının ölkəyə dəyəri 18,5 milyon rubl olan zinət əşyaları keçirməyə cəhd etdiyi bildirilir.

Məlumata görə, gömrük əməkdaşları baxış zamanı qızıl və platinadan hazırlanmış, brilyant qaşlı 5 ədəd üzük aşkar ediblər.

Aşkarlanan zinət əşyaları müsadirə olunub. Qadını 5 ilədək azadlıqdan məhrumetmə və ya 1 milyon rubladək cərimə cəzası gözləyir.

Musavat.com