O topu 2 milyona satmadı - Danışıqlar davam edir

Argentinanın əfsanəvi futbolçusu Dieqo Maradonanın DÇ-1986-da İngiltərə ilə oyunda əllə vurduğu qol futbol tarixinə düşüb.
reportyor.tv “The Guardian”a istinadla xəbər verir ki, həmin qarşılaşmanın baş hakimi olan tunisli Əli Bin Nasir Dieqonun əli ilə ingilislərin qapısına daxil olan topu auksiona çıxardıb.
O, bu top üçün 2,5-3 milyon funt sterlinq alacağını gözləyirdi. Hərracın əvvəlində qiymət 1,4 milyon funt sterlinq olub. Bundan sonra 2 milyon funt-sterlinqə qədər yüksəlib. Amma Əli topu bu qiymətə satmağa razılaşmayıb. Verilən məlumata görə, onunla potensial alıcı arasında danışıqlar davam edir və tərəflərin razılığa gələcəyi gözlənilir.