Ölkədə bir neçə gün yağış yağacaq, dolu düşəcək - Xəbərdarlıq

Azərbaycanın rayonlarında iyunun 30-u gündüzdən iyulun 1-i axşamadək bəzi bölgələrdə arabir yağışların yağacağı, şimşək çaxacağı gözlənilir.

Reportyor.tv xəbər verir ki, bu barədə Milli Hidrometeorologiya Xidməti məlumat yayıb.

Bildirilib ki, ayrı-ayrı ərazilərdə yağışların intensiv və güclü xarakter alması, dolu düşməsi ehtimalı var.

Həmçinin çaylarda sululuğun artacağı, dağ çaylarında isə qısamüddətli daşqın və sel riskinin yarana biləcəyi istisna edilmir.