Azərbaycanda benzin istehsalı 39% artıb - CƏDVƏL

Bu ilin yanvar-iyun aylarında Azərbaycanda neft məhsullarının istehsalı sahəsində istehsalın ümumi dəyəri 2 248,3 mln. manat olmaqla, əvvəlki ilin müvafiq dövrü ilə müqayisədə 23% artıb.
Dövlət Statistika Komitəsindən Reportyor.tv verilən məlumata görə, hesabat dövründə neft məhsullarının istehsalında neft koksunun istehsalı 61,9%, sürtkü yağlarının istehsalı 60,5%, avtomobil benzininin istehsalı 39,2%, qazoylların (dizel yanacağının) istehsalı isə 33,9% artıb.
Məlumata görə, yanvar-iyun aylarında ölkədə neft bitumu istehsalı 37%, mazut istehsalı isə 93,8% azalıb.
Xatırladaq ki, Azərbaycanda neft, təməli 1953-cü ildə qoyulmuş Heydər Əliyev adına Bakı Neft Emalı Zavodunda emal edilir. Zavod respublikanın neft məhsullarına olan tələbatını tam ödəyir. Hazırda NEZ-də yenidənqurma və modernləşdirmə işləri aparılır.
Azərbaycanda neft məhsullarının istehsalı dinamikası:

Məhsul növləri	2023-cü ilin yanvar-iyun aylarında istehsal edilmişdir	Əvvəlki ilin müvafiq dövrünə nisbətən, faizlə	01.07.2023-cü il vəziyyətinə hazır məhsul ehtiyatı
Avtomobil benzini, min ton	700,6	139,2	4,6
Ağ neft, min ton	283,3	114,3	39,3
Qazoyllar (dizel yanacağı), min ton	1 154,3	133,9	94,3
Mazut, min ton	4,0	6,2	2,0
Sürtkü yağları, min ton	31,3	160,5	6,6
Maye qazlar, min ton	122,1	124,2	2,1
Neft koksu; neft bitumu və neft məhsullarının digər qrupları, min ton	530,9	84,9	32,7
ondan:
neft bitumu, min ton	111,3	63,0	12,3
neft koksu, min ton	125,6	161,9	20