40 yaşı niyə QEYD etmək olmaz? – Cavabı TAPILDI

El arasında bəzi inanclar var ki, səbəbi konkret olaraq bilinmir, müxtəlif fikirlərə əsaslanır.
Bunlardan biri də “40 yaşı keçirmək olmaz” fikridir. Bu məsələ Azərbaycanda, eləcə də bəzi digər türk və müsəlman xalqları arasında yayılan inanclardan qaynaqlanır.
Belə ki, xüsusilə, yaşlı nəsildə 40 yaşı qeyd etməyin “uğursuzluq” gətirəcəyini söyləyənlər var. Bu fikir isə ölən şəxsin 40 mərasiminin keçirilməsi, bəzi inanclara görə 40 rəqəminin "mistik" və ya "ölümlə bağlı" bir rəqəm olmasıyla əlaqələndirilir. Hətta 40 yaşını qeyd etdiyi gün mübahisə yarandığını deyənlər də var. Bundan əlavə 40 gün körpənin qırxı çıxması, 40 şam yandırmaq kimi ənənələr var ki, 40 rəqəmini məhv bununla əlaqələndirirlər.
Əlbəttə, bu inancı batil inanc adlandıranlar da kifayət qədərdir. Elə onlardan biri də ilahiyyatçı Elşad Miridir. O, Bizim.Media-ya açıqlamasında söhbətigedən inancı dinlə əlaqələndirməyi doğru hesab etmir:
“Bu dinə aid olmayan mövhumatlardan biridir. 40 yaşını qeyd edənlər yaşamırlarmı? 40 yaşını qeyd etməyənlər çoxmu yaşayırlar?”, - deyə o, fikirlərini belə əsaslandırıb.
Təbii ki, insanın qəfil qarşısına çıxan qara pişiyin uğursuzluq sayıldığı kimi 40 yaşı keçirməyin də düşər-düşməzliyi kimi qiymətləndirilməsi batil inanclardandır.
Ancaq qeyd edək ki, mövhümat belə olsa, buna görə ömrünün 40-cı ilini qeyd etməyənlərin sayı heç də az deyil.