Bu ölkə yaşayış icazəsi üçün tələblərini sərtləşdirir

Finlandiya hökuməti daimi yaşayış icazəsi almaq üçün yeni tələblər tətbiq etməyi planlaşdırır.
Publika.az xəbər verir ki, bu barədə ölkənin daxili işlər naziri Mari Rantanen bildirib.
Qeyd olunub ki, yaşayış icazəsi almaq üçün ölkədə qalma müddəti dörd ildən altı ilədək artırılacaq. Bundan əlavə, İsveç və fin dillərində biliklərin təsdiqlənməsi tələb olunacaq.
İllik gəlirin ən azı 40 min avro olması şərti ilə ölkədə dörd il qaldıqdan sonra yaşayış icazəsi alına bilər. Ölkədə tanınan ali təhsilə və ya doktorantura təhsilinə malik olmaq da nəzərə alınacaq.