Bu ölkədə saxta spirtli içki 15 can aldı

Hindistanın Pəncab əyalətinin kəndlərində saxta spirtli içki qəbul edən 15 nəfər ölüb, daha on nəfərin vəziyyəti ağırdır.
Bu barədə "Hindustan Times"a istinadla xəbər verir.
Səlahiyyətlilərin dediyinə görə, ölənlərin sayı arta bilər.
Məlumata görə, yerli sakinlər polisə xəbər vermədən dünyasını dəyişənlərdən bəzilərini yandırıblar. Sakinlərdən bir neçəsi isə hadisəni gizlədib və qurbanların infarktdan öldüyünü bildiriblər.
Hadisə ilə bağlı iki cinayət işi qaldırılıb.